佔領 Art Basel 一週年 —— 香港麗琪

「企响度唔好郁！」 Art Basel 的保安員在場館吩咐火炭麗琪。

「佢哋淨係叫我地唔好郁，我心諗，企响度等死咩？」

上年暑假，一首《火炭麗琪》傳遍香港，裡面一幕紀錄了她和朋友逛Art Basel而被保安阻止。從此，反叛、憤世嫉俗等關鍵詞便與她扯上關係，火炭麗琪一下子成為了 icon。「我唔知自己係咪 icon。」我們一邊在 BOUND 酒吧門外抽煙，一邊嘗試組織「火炭麗琪」這城市傳說。「我都係做自己、做一啲人哋唔夠膽做嘅嘢啫。」所以她和朋友憑貴賓門票到 Art Basel 拍攝。她早就看穿這當代藝術博覽會只是一場國際大買賣。儘管博覽會包容了很多讓觀眾看得啼笑皆非的藝術品，卻不接受火炭麗琪在裡面創作。那麼「藝術」的標準其實很簡單：在規範以內的就 everything goes，規範以外的則 No！No！ No！

「我唔會跟佢哋嗰套，因為我唔覺得藝術只係咁樣。」

對於火炭麗琪來說，藝術是甚麼?「作品唔係攞嚟評分，係關乎個人夠唔夠高囉，好難講得好清楚，係個人點諗嘢、vision 係點，精神上嘅。即係每個人睇同一樣嘢，但你可以睇到幾多、有幾deep。去到嗰個精神上嘅就係 art 囉，唔一定要整一舊 object 出嚟。」她帶著這份處女座的精神潔癖玩嬉哈，看似矛盾，但火炭麗琪的嬉哈並不停在粗口那層次：「我以前唔特別鍾意 hip-hop，覺得好煩，好似 Eminem 咁我根本 feel 唔到佢。直到識咗 Young Queenz 先發現 hip-hop 原來可以咁 sad，唔係凈喺响度 swag，然後我哋就開始一齊聽唔同音樂，亦開始知道聽音樂根本唔使理 genre，係聽每首歌嘅靈魂，要 touch 到個心。」她不會執著對藝術的分類，所以她的作品涉獵錄像、文字、時裝、平面設計等元素，她執著的是作品背後的精神。

外界一直以為她成績欠佳，但其實她非常聰明。與其說她讀不成書，倒不如說她在學校不只是為了讀書，而是讓她開始思考：上了大學又如何？自己的創作又應該是甚麼模樣的？自己到底想如何？「用咗好多時間諗學過嘅嘢，而且要適應返呢個地方，唔係單純嘅理論。」對於火炭麗琪來說，她追求的是個人修行而非長篇大論，是在地的實踐而非一埸大龍鳳。

雖然她視創作如命，但要在香港做藝術又是另一回事。社會對年青人已有一套牢固的設定 —— 讀大學搵份好工嫁完再生個 B。在如此狹隘的方程式裡，藝術本來就是邊緣，但邊緣裡也要再分出邊緣來：「香港啲人好無趣，even 係做creative、art 嘅人都係，好悶、好多是非、好多 bullshit。我就係感覺到嗰個氣氛，所以唔想同個圈子入面嘅人一齊。」火炭麗琪生活在這麼壓抑的城市，注定被人標籤。「我嘅狀態長時間都好低，晒日都好 stress。所以我想做啲嘢令自己舒服啲。其實要維持呢個狀態都好難，但我知道如果我唔咁樣做，個人會更加唔得囉。」風光只是表面，她跟很多生活在香港的人一樣，其實每天都面對著循環不止的憂鬱。

過去一年，她登上 Clockenflap、Sonar 的舞台，又獲邀到上海、杭州等城市表演。「上海啲人有趣好多，真係會 appreciate 你做嘅嘢，感覺無咁功利、casual好多。」的確，內地不少傳媒和樂迷早就把火炭麗琪看成是香港的新力軍，對她格外欣賞。既然香港如此無趣，她有想過搬到內地嗎 ？「唔會囉，始終會留翻响香港。其實首《火炭麗琪》因為『法輪功』三隻字俾人禁咗。而且香港始終係屋企嘛。」說到這裡，她的好朋友剛好來到 BOUND 要與她喝酒，她拒絕：「尋晚 Sonar 飲太多，今晚我滴酒不沾囉！」

攝影/ Toby Ng